Plantun de Prouvènço

Pèr coumpara dos planto d'encò nostre

Silene dioica & Oenothera glazioviana

Silene dioica

Caryophyllaceae

Noms en français : Compagnon rouge, Silène dioïque.

Descripcioun :
Emai siegue coumuno dins lis uba, au nostre, l'empeganto-roujo se rescontro soulamen dins quàuqui relarg mountagnous. Douno d'èr à l'empeganto-blanco, pamens flouris pulèu la niue e èi gaire redoulènto. I'a pas trop pèr s'engana.

Usanço :
Sèmblo pas manjadisso que caup de sapounino, o bessai emé li fueio jouino o bèn cuecho.

Port : Erbo
Taio : 20 à 60(90) cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Silene
Famiho : Caryophyllaceae

Ordre : Caryophyllales

Coulour de la flour : Roso
Petalo : 5
Ø (o loungour) flour : 2 cm
Flourido : Printèms - Estiéu

Sòu : Ca
Autour basso e auto : 0 à 2200 m
Aparado : Noun
Mai à juliet

Liò : Roucas - Tepiero seco - Baragno - Ribiero
Estànci : Mountagnard à Subaupen
Couroulougi : Éurosiberiano
Ref. sc. : Silene dioica (L.) Clairv., 1811

Rougeto(di-gràndi-flour)

Oenothera glazioviana

Onagraceae

Autre noum : Erbo-dis-ase.

Nom en français : Onagre à grandes fleurs.

Descripcioun :
La rougeto-di-gràndi-flour trachis majamen dins lou limas en ribo d'aigo ounte flouris au printèms, es à dire mai d'ouro que si cousino (coume Oenothera biennis que flouris en estiéu). Se recounèis eisadamen à si petalo mai grando (45 mm), à si boutoun mai prim, sa coulour mai roujo e subretout à soun estigmate en crous, pu long que lis estamino (fotò).

Usanço :
Soun óurigino s'atrouvarié dins un mestissage (ibridacioun) dins un jardin en Éuropo e se sarié espandido dins lou mounde. A li mémi prouprieta que la rougeto, Oenothera biennis.